جميعنا بدأنا الدراسة من المرحلة الابتدائية، و طمحنا أن نكبر و ننتقل للمرحلة المتوسطة، و عندما وصلنا للمتوسط طمحنا أن نكبُر و نصِل للمرحلة الثانوية، و حينما وصلنا للمرحلة الثانوية كانت الفرحه تملأ قلوبُنا حيث كبرنا و وصلنا لنهاية مرحلتنا الطفولية، الثانوية هنا نكبر هنا ننضج و هنا نفكر بالمستقبل و الطريق الذي سنسلكه للمرحلة الجامعية لنتمكن من تحديد لحياتنا العملية.
في المرحلة الجامعية، آنذاك بدأنا نعرف معنى الحرية و معنى النضوج و الاعتماد على النفس، و لكن لا زلنا نحلم بالتخرج لنعيش حياة ال “ adulthood “ بمعناها ..
تخرجنا و تم تعييننا في وزراة الصحة،
و من ثم ….. انصدمنا بالحرية التي طالمت حلمنا بها!
ممنوع الاستئذان!
ممنوع اختيار يوم الراحة الأسبوعية!
ممنوع ارتداء ” uniform” بأي لون آخر غير الأبيض!!
ممنوع أيضاً ارتداء الحُلي بأنواعها!
ممنوع المكياج!
ممنوع اطاله الاضافر!
ممنوع ارتداء حلق الأذن!
ممنوع ارتداء خاتم!
ممنوع تسريح الشعر ما عدا (الكُبّه)
ممنوع ارتداء حجاب متدلّي!
ممنوع الضحك..
ممنوع الكلام..
ممنوع اعطاء الرأي أيضا!!
ممنوع المناقشة!!
ممنوع حتى الجلوس!
ممنوع الوقوف بالكاونتر!
ممنوع شرب الماء أثناء التواجد على الكاونتر!
ممنوع أن يكن لدينا وقت فراغ!!
ممنوع الخروج من الجناح،
ممنوع طلب الطعام من الخارج و
ممنوع تناول الطعام مع الزملاء!
ممنوع أخذ استراحة اكثر من ١٥ دقيقة
ممنوع ارتداء حذاء بلون غير اللون الأبيض و لا أي لون آخر سواه على الحذاء..
ممنوع مقابلة المترون!
ممنوع المرضيات!
ممنوع اختيار الجناح !
ممنوع الابتسامة!
ممنوع الضحك بصوت مسموع!!
ممنوع طلب اجازات في أي وقت..
ربما بعد هذه القائمة الطويلة من القوانين، قد يظن البعض أنني قمت بالمبالغة بها لإثراء موضوعي، هل تعتقدون أنها مُزحه ؟
هل ستصدقون لو أخبرتكم أن كل ما كتبته حقيقة و أمور مررتُ بها شخصياً؟
هل تعرّضتم قَطْ لهذه القوانين مثلي و تم منعكم من هذه الأمور ؟
و ما هي الأشياء التي تم منعكم منها و أثارت استغرابكم ؟
(شاركوني خل نستغرب و نضحك مع بعض) 😅
طريقة تعامل بعض المترونات والمسؤلين للأسف فيها شي من الانتقام وضعف الشخصيه ، وكل وحده صارت مسؤله تسوي نفسها شخصيه وتألف قرارات من كيفها والله تعاملهم حرب نفسيه..كنت احب اكون ممرضه بس بعد اللي شفته كرهت مهنتي. اتمنى يكون فيه تغير جذري بالتمريض بكل شي حتى بالبس واللون الابيض لوعو جبدنا فيه .
السلام عليكم
ومساء الخير مترون أصيل الوردة
شكرا لانج مهتمة تسمعين آراء الأفراد
بالنسبة للممنوعات في تفاوت بين مركز ومركز احب اتكلم عن مكان عملي بالنسبة لأفرادي ما منعت اي احد فيهم يستوفي الاربعة المسموحة اذا عندها عذر وبعضهم يقولون سواءا في ولا ما في عذر لازم تاخذ وهذا غير صحيح
الاهم مصلحة العمل وطبعا اذا عندها عذر اسمح لها وبالنسبة لي قليلة الاستاذان ولكن ولا مرة رفضوا لي طلب
الراحة الاسبوعية عندنا اليوم معروف يا جمعة يا السبت ولكن كنت اسمح لهم اذا تحب تاخذ بوسط الاسبوع اذا داومت الجمعة والسبت
بالنسبة للبس وخلال سنوات خبرتي صارت فيها تغير بسيط
اللون الابيض مناسب لكن كنت اتمنى ان الممرضة ما تحضر بلبس الدوام وارجع البيت فيها لدواعي نقل العدوى وكثير من الدول مطبقين لكن حسب البيئة المهيئة عندنا لا تسمح
وكنت اتمنى ان لون المراكز يكون مختلف عن المستشفيات
حسب تعليمات ادارة التمريض المكياج الخفيف مو ممنوع والممرضة حلوة تكون بمكياج خفيف ولبس نظيف فيها من الحشمة اطالة الاظافر لازم ممنوع لان يعارض طبيعة العمل
بالنسبة للحلق مو ممنوع اذا كانت ناعمة وكل التمريض عندنا بالعاصمة بالذات الهنود لابسين حتى الملون والخاتم الزواج لا مانع حسب اللوائح اشوف ان المسؤولة تحب تلبس او اطول شوية اظافرها اذا ما تشتغل عن نفسي احب مرات اسوي عيار والكل يعرفون اكثر عمل احبه تسريحة الشعر ممتازة للهنود
وفي ممنوعات مو عندنا وما شفته الضحك والمناقشة والجلوس
موضوع عدم دخولهم للكاونتر اييده برغم التعميم مو ادارتنا ولكن من الامين الا في حالة ابلاغ عن شي ضروري
الكل يشرب ماي وبطولهم معاهم وخصصت لهم درج لبطول الماي وما يسمعون الكلام يحطونه على الطاولات
ياخذون بريك نص ساعة الشرط مو اكثر من اثنين يطلبون طعام من برة
في مبالغة بالممنوعات واحتمال في اماكن ما اشتغلت فيها يوجد هالممنوعات
الحذاء لازم ابيض اييد لان اذا قلتي لون ثاني الهنود ممكن تجيني بلون فسفوري
ما ادري ان ممنوع مقابلة المترون لا في الاميري صادفت ولا الرعاية ولا الصحة المدرسية دائما في ورقة طلب مقابلة المترون وكتبتها لأفرادي كذا مرة
والمرضيات حسب القانون ماشين 15 يوم ووووو ما منعنا احد طولت عليكم
عندي بعض الامنيات
ان يسكرون معهد التمريض
لان الخريجات ما يعرفون يحطون كانيولا ولا يسوون بروسيجر تمريضي صح
المفروض يستغلون المبنى مالهم لحملة الدبلوم والمبنى الثاني البكالوريوس الاعداد بتزايد ويسمحون للبدون وغيرهم يدروسون الدبلوم والبكالوريوس واخذ رسوم معقولة للدراسة الوافدين بحيث نتطور من المباني وعمل بيئة جاذبة للدراسة وفتح تخصصات بالذات بعد
الدبلوم اما تكون سنة او سنتين
العناية المركزة
العمليات
الجلدية
الصحة الوقائية تشمل الدرن
صحة المجتمع
الاسنان
المسنين
اتفق معاج….
مجموعه الممنوعات العادية لصالح المرضى لازم تطبق ..مثل الاظافر الطويله ومثل الاكسسوارت.لانها تعتبر مصدر نقل عدوى واحنا نتعامل مع بشر في النهاية..واليونيفورم احنا مثل الجيش بس جيش ابيض والشوز يفضل انه يكون ابيض ومصكر لسهولة الحركة والتنقل…بس بالسابق كانت قائمة الممنوعات جدا سيئة ومقابله المترونات صعبه من سنين وسنين وعانينا جدا
..حتى لو المترون تمر لازم الكل يوقف لها وممكن تحط عليه حطه ووو😱وانا ارفض احد يز لي كمترون بالوقت الحالي لانه هذي مو من المهام الوظيفيه وشي مايزعل..الاحترام والتقدير مو بالوقفه ..الحين الوضع وايد تغيير والتمريض افضل من
السابق بالف مره ولله الحمد❤️🩹
اخر تحديث ممنوع تاخذين استئذان الصبح يعني اذا صارلج ظرف وانتي جايه وبتتأخرين شوي المترون ترفض وعذرها لازم تبلغين قبل بيوم !!! يعني انا اعلم الغيب ولا شنو ويكون مافي حل الا المرضية وبعدها تصيرين انتي اللي ماتلتزمين بالدوام
هذا غير عدم الاحترام من البعض وتعاملها جنها تعامل طالبات بالمتوسط وبعدين تعطيج الضحكه البارده انتي مثل بنتي ، عفواً لا صج عفواً 😂!!
واشياء كثيره بعد وبعد لو بتكلم اووف بس ماعندي ٥٠٠١ وشكراً 🙃😂
المهم رسالتي حق كل ممرضه من الجيل الجديد اذا صرتي مسؤوله شنو كان ماكان منصبج لا تصيرين النسخه اللي كرهتيها ووقفت عقبه بطريجج عشان تحققين اهدافج
وغير بعض المسؤولين يركزون الاشياء السلبيه وخلون الايجابي واذا في شي لصالح الموضف اتقول خليه لاتقوليلها الحين انه وافقنه على الاجازه خليها ابحسرتها سواء موافقه الاجازه الي لعب المفروض من حقها لعب بالنفسيات وتحكم بعض المسوولين يحتاجون علاج نفسي الصراحه والله يشافيهم يارب
موضوع الاجازات اتوقع كلنا تأذينه معاه و تقريبا في معانات شوي .. بس الي اقدر اقولج خلج قويه و خلي نفسيتج قويه عشان تقدرين تتحملين و تشتغلين بدون ما تتعبين
مترون أصييييل يبتيها ع الجرح 😭 قائمة الممنوعات (اللامنطقية) طويلة و مُرهقة 💔💔
بعد سنوات اكتشفت إن بعض الممنوعات من صنع أحد المسئولين المباشرين أصلا مو من الإدارة يعني
هني ايي دور المترون أو المسئولة المباشرة، لا بد إنها توقف بصف اللي تحتها مو توقف ضدهم،
من الأشياء الغريبة اللي مرت علي إن كان عندنا مترون تقول روحوا ييبوا جنطتي روحوا بنفس الوقت ممنوع احنا ندش باقسام المترونات بدون إذن 😢
الشي العجيب اللي ما أنساه ممنوع نمشي بممر المستشفى الأرضي 🤣 كان لازم نطير،، الصج (كنا نمشي zigzag) بين الممرات والغرف لين نوصل
الشي الثاني اللي مستحيل أنساه، برمضان و ١٢ ساعة إجباري أيام ال peak
ممنوع اتفطّر مع صديقتي اللي بالجناح اللي يمي 😢 ليش هالمعاملة اللا إنسانية 😣 كافي بعيد عن عيالنا و أهلنا و مجابلين المرضى من الصبح لليل
انا أحب متروناتي بس هالقوانين صراحة طاردة للمهنة
ييبو جنطتي ؟! نظام هوشه منو اييب اغراض الابله ؟! 😂😂😂
اييييي مترون 🤣 كانت تحسسنا إن احنا طالبات بالمتوسط 🤦🏻♀️ بس مجبورين كنا نقول حاضر 💔😂
اي والله صاجة…عانينا من قائمة الممنوعات اللي لاتحصى ولاتعد.. وحتى الابتسامة كانت ممنوعه..علبالي بس انا ذقت مر هالممنوعات بالسابق…الحين أيقنت وتأكدت انه كلنا كنا بالهوى سوى 🤭🤗
أتذكر مترون هندية كانت تقولي دايما وبدون سبب IWant to remove your smile🤕🙄ومقابلة الدايركتور لازم بموعد
وهذا لو خلوج تشوفينها ..ولما تقابلينها اول كلمه خير نعم!!ولما كنت بحسين مكي في بداية عملي ..عقب مايتوفى المريض ونكفنه..لو رحنا نصلي او نقرى قرآن بو عشر دقايق كنا نعامل معامله سيئه وانا احنا مو اوكي بالوظيفة…ليش احنا موبشر واللي توفى مو انسان!!مايصير نزعل وتدمع عينا ونقرى قرآن شوي نرييح قلوبنا عقب فقد مريض تعاملنا معاه ايام وشهور!!فعليا شفنا العجب العجاب في وظيفة التمريض من قائمة ممنوعات مالها داعي..بس الحين الوضع وايد افضل من السابق عقب عناء ١٩ سنة في المهنة ولله الحمد.
صح كلامج حاليا وايد الوضع تعدل و صار في بعض من التغيير الي يخلي الواحد يتنفس، و صدقيني مو بروحج كلنا مرينه في هذا الشي و القوانين الغريبه، و على طاري المتوفين انا مره توفه جد امي، انا كنت اشتغل في الدور الثالث يدي بالدور السادس ، لا شعورياً لما قالولي بلغت القروب ليدر توفى جدي بصعد ورحت على طول .. انزفيييت لين قلت بس 😌…. و سالفه الابتسامه هذي يبيلها مقال كامل بروحه ..
اي والله عبالهم عبيد مو بشر
🙈🙈🙈🙈